تبلور داخلي فكرة عساها ماتصير أوهام = عسا تلقا لها وضعٍ يساعدها على التكوين
أنحيها عن ظنون البشر عن فلسفة وإبهام = تجي مثل الذهب صافي عياره أربعة وعشرين
أجنبها طريق الخلف .. أسندها على قدام = أغذيها من الماضي فكر اوسط سلاسة ولين
رضيعة تؤمن بيومٍ يصيرون البشر أقزام = رضيعة تؤمن بجملة ترانا يابشر من طين
طرية عود ماتذعن إذا صار الهوى من شام = حشا ماتنغوي بليلى ولاحتى دلع نسرين
دخيل الجو لو يصفى وأعيش لفكرتي أعوام = أصحيها على اليرموك وأنومها على حطين
دخيل الليل عذبني سواده يسرق الأحلام = يبدلها فراغٍ يسكن ( اللي راح ) و (البعدين)
ياليت الصبح بإشعاعه يوضحلي نقا وإلهام = مابي صبحٍ يوضحلي طريق الملهمه من وين
أبي رحمٍ ليا صار التعب فوق التعب أكوام = يكون أرحب على الفكرة من قصور القهر والبين
تعيش بداخله حره بلا قيد وبلا آلام = تعبر فيه والمرجع حكاية من كتاب الدين
ومدام الفكرة بالواقع تعود لمرجع الإسلام = أنا أشهد ياهي بتلقا مناخٍ خصب للتكوين